म्याकुले, लिंडसे आणि रेखा

म्याकुले, लिंडसे आणि रेखा हि तिन्ही नाव कदाचित आपल्याला परिचित किंवा अपरिचित असतील पण त्याचं आयुष्य मात्र नक्कीच अपरिचित असेल. ह्या तिघांमध्ये हि एक समान दुवा आहे तो म्हणजे ह्या सर्वांनी आपली सुरवात बाल-कलाकार म्हणून केली. यशाची चव अगदी लहान वयातच चाखली. पण अवघ्या १० वर्षांच्या प्रवासात कोणी रसातळाला गेल तर कोणी ६० वर्षानंतर हि आपल्या सौंदर्याने भुरळ घालते आहे.

होम अलोन चित्रपट बघितला नसेल किंवा ऐकल नसेल अस कोणीतरी आपल्या पिढीत तरी मिळण कठीणच. घरात चुकून राहिलेला एक लहान मुलगा आपल्या चतुराईने घराचा सांभाळ कसा करतो. त्याचवेळी त्याच्या भीती आणि मनातील आठवणी चा एक सुंदर मिश्रण म्हणजेच हा चित्रपट. ह्या चित्रपटात मुख्य हिरोची म्हणजेच लहान मुलाची भूमिका करणारा म्याकुले कल्कीन हा त्या वेळेस पूर्ण जगात प्रसिद्ध झाला. जगातील दोन नंबरचा सगळ्यात यशस्वी बाल कलाकार अशी बिरुदावली मिरवणारा म्याकुले त्याच्या तारुण्यात कुठे हरवून गेला कोणालाच कळले नाही.

वयाच्या ४ थ्या वर्षी पासून आपल्या निखळ अभिनयाने जगातील प्रेक्षकांच्या गळ्यातील ताईत बनलेल्या म्याकुले खरा प्रसिद्ध झाला ते होम अलोन पासून. पण म्हणतात न यशाची धुंदी अनेक वाईट प्रवृत्तींना जवळ करते. प्रसिद्धीवर राहण्याची नशा मग हळूहळू अनेक वाईट प्रवृत्तींना जन्म देते. अस म्हणतात कि यश मिळवण खूप सोप्प असते पण ते टिकवून ठेवण सगळ्यात कठीण. तसच म्याकुले च्या बाबतीत झाल. पैसा, प्रसिद्धी ह्यामुळे वाईट सवयी लागल्या. कोकेन, मारिजुआना सारख्या अमंली पदार्थांच्या आहारी गेल्यावर त्यातून म्याकुले चा प्रवास कधीच सावरू शकला नाही. एक- दोन चित्रपटांशिवाय हाताशी काहीच काम लागल नाही. मारिजुआना बाळगल्या प्रकरणी २००४ साली त्याला अटक हि झाली. नशेच्या आहारी गेलेल्या म्याकुले कदाचित कोर्टाच्या शिक्षेपासून स्वतःला सोडवू शकला पण ह्या अमंली पदार्थांचे वाईट परिणाम त्याच्या चेहऱ्यावर दिसू लागले. लहानपणी अगदी हवाहवासा वाटणारा म्याकुलेकडे आता बघवत हि नाही.

लिंडसे लोहान अशीच एक गुणवंत अभिनेत्री. बबली पण गोड असा चेहरा असणारी हि अभिनेत्री लहानपणापासून क्यामेरा समोर आली. लिंडसे च्या त्या रूपाने अनेकांना वेड लावले. एकामागोमाग एक सुंदर चित्रपट देणाऱ्या लिंडसे च्या व्यक्तिगत आयुष्यात मात्र यशाची धुंदी चढत गेली. त्याचा परिणाम म्हणजे अनेक वाईट गोष्टींच्या आहारी लिंडसे जात राहिली. अमंली पदार्थ जसे कोकेन जवळ बाळगल्या प्रकरणी तिला अटक पण झाली. अंधाधुंद गाडी चालवल्या प्रकरणी तिच्यावर गुन्हे दाखल झाले. ह्या सगळ्याचा परिणाम तिच्या कामगिरी वर होत तर होताच पण अमंली पदार्थांच्या सेवनाने तिच्या चेहऱ्याची पूर्ण वाट लागली. एकावेळी बघता क्षणी प्रेमात पाडणाऱ्या तिच्या चेहऱ्याकडे आता बघवत पण नाही.

अमंली पदार्थ आपल्याला दोन मिनटांची मज्जा तर देतात पण आपल्या शरीरावर अश्या खुणा सोडतात ज्याची भरपाई कधीच होत नाही. म्याकुले आणि लिंडसे हि दोन्ही उदाहरण म्हणजे आजची पिढी जी कोकेन किंवा एक्स्टसी देणाऱ्या पदार्थांच्या आहारी किंवा निदान काहीतरी वेगळ म्हणून चव घ्यायचा प्रयत्न करते. त्या सगळ्यांनी एकदा म्याकुले आणि लिंडसे च्या अवघ्या १० वर्षातील प्रवास आणि त्यांच्या फोटोनकडे एकदा बघावं. हवेहवेसे वाटणारे चेहरे अगदी ई हे काय? अशी प्रतिक्रियेकडे येतात. तेव्हा त्या मागे ह्याच अमंली पदार्थांनी शरीराची केलेली हानी दिसून येते. १९८० सालचा म्याकुले आणि १९८६ साली जन्मलेली लिंडसे अवघ्या तिशी मध्ये साठीमधील दिसू लागले आहेत.

बालकलाकार म्हणून आपल्या कारकिर्दीची सुरवात केलेली ६२ वर्षाची रेखा मात्र अजूनही तिशी मधील दिसते. ह्याच कारण तिने स्वतःची घेतलेली काळजी व पर्यायाने शरीराची. यशाच्या व अपयशाच्या गर्तेत राहून सुद्धा तिने स्वतःला सावरल. एक जास्त वजन आणि सर्वसाधारण रूप असणाऱ्या रेखाने स्वतःला सुंदर,काळाच्या पलीकडे आजही बघता क्षणी हृदयात उफ होणार अस स्वतःच सौंदर्य निर्माण केल.

अमंली पदार्थांच सेवन बंद केल म्हणजे आपण त्यातून बाहेर येतो अस नसते. त्यांनी केलेल्या शरीरावरच्या जखमा ह्या न भरून येणाऱ्या असतात. लहान वयात यशाची धुंदी कुठे नेऊ शकते ह्याचा बोध आपण म्याकुले आणि लिंडसे वरून घ्यायला हवा. तर मिळालेलं यश आणि सौंदर्य आयुष्यभर पण टिकवता आणि अजून सुंदर करता येऊ शकते ह्याचा बोध आपण रेखा कडून घ्यायला हवा. यशाची धुंदी न चढता त्याचा आदर करण आपल्याला शिकायला हव. आज अनेक प्रलोभन आपल्या आजूबाजूला आहेत. अनेक बालकलाकार उदयाला येत आहेत. त्यांना मिळणार यश हि तितकच मोठ आहे. ते आयुष्यभर टिकवून आणि जमिनीवर राहण्यासाठी त्यांना म्याकुले, लिंडसे आणि रेखा ला ओळखता आणि समजून घ्यायला हव.

विनीत वर्तक

Leave a Reply